LTE Wi-Fi-роутер деген не?

Beeline LTE Wi-Fi-роутері бір SIM-картаның көмегімен сымсыз интернетке (Wi-Fi) бірнеше қолданушыны әртүрлі құрылғыдан: телефон, смартфон, планшет, ноутбук, Smart TV және Wi-Fi модулі бар кез келген құрылғыдан қосуға мүмкіндік береді.

Қалай қолданылады?

1. Сату кеңселерінде немесе «Менің Beeline-ым» қосымшасында өз бетіңізше SIM-картаны іске қосыңыз. («LTE Wi-Fi роутер мен нөмір қалай тіркеледі?» бөлімін қараңыз)

2. SIM-картаны роутерге салыңыз

3. Роутерді 220В розеткасына қосыңыз. Барлық баптау өздігінен орнатылады.

4. Құрылғыңызды жаңа Wi-Fi желісіне қосыңыз. Ол үшін смартфоныңызда немесе планшетте жаңа Wi-Fi желісін табыңыз, оның атауы мен кілт сөз роутердің астыңғы жағында немесе артқы бетінде көрсетілген.

Қорабын, кепіл талонын (роутерді беру актін) және тауар түбіртегін міндетті түрде сақтаңыз.

Жиынтыққа не кіреді?  

1. Шапшаң Wi-Fi-роутер.

2. Арнаулы тариф жоспарына қосылған SIM-карта.

3. Компьютерді баптайтын бағдарламалық жасақтама (өздігінен орнатылады).  

Wi-Fi роутерді қайдан алуға болады? 

1. Құрылғыны үйден шықпай-ақ алуға болады: интернет-дүкенде, тапсырыс берсеңіз болды, жабдықты тегін жеткізіп береміз.

2. Beeline кеңселерінде және Beeline-ның басқа сауда кеңселерінде сатып алуға болады.

Егер Сізде Beeline-ның LTE Wi-Fi роутері болса:

1. Смартфоннан немесе компьютерден Wi-Fi желісіне қосылыңыз. Wi-Fi желісінің аты мен құпия сөз роутердегі жапсырмада жазылған. Интерфейске кіргенде, оларды Wi-Fi баптауларынан өзгертуге болады.

2. LTE Wi-Fi роутердің интерфейсіне кіріңіз: браузер жолында келесіні жазыңыз:

-http://m.home (құпия сөз: admin) MF927U немесе MF971R үлгілеріне;

-192.168.8.1 (құпия сөз: admin) R109D-A үшін.

- http://m.home (құпия сөз: admin) MF296R үшін.

3. Дайын! Хабарламалар қабылдаңыз, жіберіңіз, трафик қалдығын тексеріңіз, құпия сөзді ауыстырыңыз және басқа да көптеген мүмкіндіктер бар.  

Егер құрылғыны Beeline-нан алмасаңыз, роутерде/модемде көрсетілген ІР-мекенжай мен құпия сөзді теріп, құрылғының интерфейсіне кіре аласыз.

Ескерту: басқа жабдықтаушылардан алынған кейбір үлгіде USSD-пәрмендерді теру және SMS-терді көру/жіберу функциясы жоқ.  

SIM-картаны тіркедіңіз бе? Олай болса:

1. Play Market немесе App Store-дан «Менің Beeline-ым (Қазақстан)» қосымшасын жүктеңіз немесе соңғы нұсқасына дейін жаңартыңыз. Егер қосымшада авторизациядан өтсеңіз, «Дербес баптауларға» кіріп, «Шығу» пернесін басыңыз.

2. «Роутердегі/модемдегі немесе басқа құрылғыдағы SIM-картаны» таңдаңыз.

3. Роутердің нөмірін жазып, «Жалғастыру» пернесін басыңыз.

4. Егер қызметті қосқан сәтте байланыс нөміріңіз жазылса, оған растау коды бар SMS жіберіледі. Сол кодты жазыңыз. Егер байланыс нөмірі табылмаса, біздің call-орталыққа 116 нөмірі арқылы хабарласып, операторға байланыс нөміріңізді айтыңыз (жарнамалық хабарлама тарату үшін емес). Содан соң 1-4-қадамдарды қайталаңыз.

5. Қосымшаға жылдам кіру кодын орнатыңыз. Сондай-ақ жүйе саусақ таңбасы немесе Face ID арқылы авторизациядан өтуді сұрауы мүмкін (ол – қалауыңызға қарай).

6. Дайын! Тарифіңіз туралы өзекті ақпарат қолыңызда. Егер SIM-картаңыздың нөмірі тіркелмесе, нөмірді тіркеу керек. Толық ақпарат «LTE Wi-Fi роутер мен нөмір қалай тіркеледі?» бөлімінде.  

LTE Wi-Fi роутер R109D-A

LTE Wi-Fi роутер ZTE MF296R

Роутер дұрыс жұмыс істеуі үшін, құрылғыдағы нөмір Сіздің деректеріңізге тіркелуі керек.

Роутер жиынтығымен бірге жүретін SIM-картаны тіркеу үшін:

• Play Market немесе App Store-дан «Менің Beeline-ым (Қазақстан)» қосымшасын жүктеңіз.

• «LTE роутердегі нөмірді тіркеу» пернесін басыңыз.

• Роутер жиынтығымен бірге жүретін SIM-картадағы телефон нөмірі мен PIN-кодты жазыңыз.

• Сәйкестендіруден өтіп, байланыс нөміріңізді көрсетіңіз. Ол Қазақстандағы кез келген оператордың нөмірі болса, бола береді.

• Осымен бітті, роутердегі нөмір тіркелді, бүкіл ақпаратты қосымшадан көруге болады.  

Егер құрылғыны тіркеу кезінде қиындықтар кездессе, жеке басыңызды куәләндыратын құжатыңызды алып, Beeline-ның сату және қызмет көрсету кеңсесіне жүгініңіз.  

Құрылғыдағы нөмір Сіздің деректеріңізге тіркелген болуы керек. 

Құрылғының интерфейсінде *835# пәрменін теріп, нөмірдің тіркеуін тексеріңіз

Егер нөмірдің ешкімге тіркелмегенін көрсеңіз, құрылғының интерфейсіндегі нөмір жіберу бөліміне өтіңіз. SMS арқылы 6914 нөміріне ЖСН-іңізді жіберіңіз. Шетел азаматтары төлқұжат нөмірін 6915 нөміріне жіберіп, қосымша сұрақтарға жауап беруі керек. 
Сондай-ақ "Менің Beeline-ым" қосымшасы арқылы да тіркеуге болады: басты беттегі қызыл хабарламаны басыңыз. Барлық қадамды бірінен соң бірін өтіңіз, құжатыңызды суретке түсіріп, селфи жасау керек болады. 
Немесе жеке басыңызды куәландыратын құжатпен Beeline-ның кез келген кеңсесіне жолығыңыз. Назар аударыңыз: нөмірдің Сізге тиесілі екенін тексеру үшін, Сізден қосымша ақпарат ұсынуды талап етуі мүмкін. 

Егер нөмір басқа тұлғаға тіркелген болса, "Менің Beeline-ым" қосымшасы арқылы сәйкестендіруден өтіңіз: басты бетте нөмірді басыңыз, содан соң нөмірді тағы бір рет басыңыз - "Тұлғаны растау". Ары қарай құжатыңызды фотоға түсіріп, селфи жасаңыз. Нөмір Сізге тіркеледі. Назар аударыңыз! Егер нөмір сенімді арналар арқылы тіркелген болса, қайта тіркеуден бас тартылуы мүмкін. Ондай жағдайда, тек нөмірдің бұрынғы иесі құқығын бере алады. Ол үшін онымен бірге кеңсеге келу керек.

Интернет жылдамдығы желінің түріне байланысты және әртүрлі таралым аумағында өзгеріп тұрады.

Ең жоғары жылдамдық келесідей болуы мүмкін:

2G — 473,6 Кбит/с дейін.

3G — 28 Мбит/с дейін.

4G/LTE — 150 Мбит/с дейін.

4G+/LTE Advanced - 300 Мбит/с дейін.

• Интернет желісіне бір уақытта қосылған қолданушылар саны.

• Кейбір қолданушы трафикті орташа статистикалық мөлшерден артық пайдаланса, желіге қосымша жүкт түсіп, басқа қолданушыларда интернет жылдамдығы азаяды.

• Wi-Fi желіңізге қосылған құрылғылар саны және олардың қуаттылығы: олар қаншалықты қуатты болған сайын, арнаның жүктемесі жоғары болып, интернет жылдамдығы азаяды.

• Физикалық кедергілер (қабырғалар мен бөлмеаралық есіктер, жиһаз) Wi-Fi сигналын айтарлықтай әлсіретеді.

• Роутер тұрған жердің қашықтығы: құрылғыларыңыз роутерден алыс тұрған сайын сигнал әлсіз болады.

1. Роутерді өзіңіз жиі қолданатын бөлменің терезесіне жақын қойыңыз.

2. Егер үйдің бөлмелері жан-жаққа қарап тұрса, әрқайсында жылдамдықты тексеріп, ең оңтайлысына қойыңыз.

3. Роутеріңіздің сыртқы антенналарын (егер ол бар болса) басқа заттармен қоршап тастамаңыз. Роутерді жаппаңыз: қызса, жылдамдық азаяды.

4. Роутердің алдына кедергі қоймаңыз (шкаф, тұрмыстық үлкен техника және т.с.с.).

5. Ең жоғары жылдамдыққа қол жеткізу үшін, ДК немесе ноутбукті орнықты роутерге LAN-шоғырсымы арқылы тікелей қосыңыз, сонда интернет байланыс жылдамдығы жоғары болады.

«Тұтынушылар құқығын қорғау туралы» ҚР Заңының 30-бап, 1-тармақ, 6-тармақшасы бойынша, байланыс құралдары, оның ішінде Wi-Fi роутерлер сатып алған соң, сапасы тиісті түрде болса, қайтарылмайтын немесе айырбасталмайтын тауардың тізіліміне енгізілген.

Егер сатып алған сәтте немесе пайдалану барысында роутердің сапасы нашар екені анықталса, жеке куәлігіңізді, толтырылған кепіл талонын, фискалды түбіртекті және толық жиынтығы бар роутерді алып, тауарды сатып алған жеріңізге жүгінуіңіз керек.

Кепілді мерзімде айырбастау немесе қайтару себептері:

1. Құрылғы мүлде жұмыс істемейді.

2. Зауыттық ақауы, пайдалануға мүлде келмейтін ақауы бар.

Назар аударыңыз, компания роутердің кемшіліктері мен ақауларына кепілді мерзім ішінде ғана жауапты. Роутерге берілетін кепіл сатып алған сәттен бастап 12 ай, сатып алғаныңызды растайтын толтырылған кепіл талоны және фискалды түбіртек болса. Аккумулятор батареясы, қуаттау құрылғысы, тоқ блогы, қосымша керек-жарақтар және басқа да жиынтық құрылғыларға кепіл берілмейді.

Зауыттық ақау немесе техникалық кемшілік салдарынан қайтару шарттары :

1. Толтырылған кепіл талоны және сатып алғаныңызды растайтын фискалды түбіртектің болуы.

2. Кепілдік талонында көрсетілген кепілдік мерзімінің аяқталмауы.

3. Тауардың түрі және толық жиынтықтың сақталуы.

Кепіл мерзімі біткен соң, роутерге диагностика немесе жөндеу қажет болса, қалауыңызға қарай, осындай қызмет көрсететін кез келген сервис орталығына дербес жүгіне аласыз.

Қазақ және орыс тіліндегі киноларды, танымал арналарды, фильмдерді, телехикаяларды, шоуларды, концерттер мен мультфильмдерді көріңіз.

Егер BeeTV қосымшасында BeeTV Free жазылымын қолдансаңыз, қосымша ештеңе төлеудің қажеті жоқ.

BeeTV мобильді телевизиясын смартфон, планшет, компьютер және теледидардан көруге болады.

Қосылу жолы:

1. Смартфонға, планшетке BeeTV қосымшасын жүктеңіз немесе компьютерден сайтқа кіріңіз. Сайтта көру үшін ұсынылатын браузерлер — Google Chrome және Mozilla Firefox. SMART TV немесе Android TV-де көру үшін, BeeTV қосымшасын орнатыңыз. Samsung Smart TV 2016-2019 жж. және LG Smart TV – 2015-2019 жж. теледеидарларға орнатуға болады

2. Beeline нөмірімен тіркеліңіз. Тіркелген кезде, код көрсетілген SMS жіберіледі. Роутердегі нөмірге жіберілген SMS-ті 4G Wi-Fi роутердің интерфейсіндегі "Хабарламалар" бөлімінен көруге болады. Осы аккаунт арқылы BeeTV-ді басқа құрылғыларда да көруге болады.

3. BeeTV сайтына немесе қосымшасына кіріңіз. BeeTV Free бөлімінен фильмдерді, телехикаялар мен TV-арналарды тауып, рахаттана көріңіз! Айтпақшы, BeeTV-де қызықты жазылымдар көп. Олар туралы толық ақпарат біліп, тегін сынап көріңіз. Тарифтің абоненттік төлемі алынса ғана жазылуға болады.

Айтпақшы, BeeTV-де қызықты жазылымдар көп. Олар туралы толық ақпарат біліп, тегін сынап көріңіз.

Тарифтің абоненттік төлемі алынса ғана жазылуға болады.