«Байланыс туралы» Заңның жаңа талаптарына сәйкес, нөмірлерді енді тек биометриялық сәйкестендіру арқылы ғана тіркеуге болады. Janymda мобильді қосымшасында биометриядан өтіңіз — сонда Сіздің деректеріңіз киберқауіпсіздікте болады!
Бәріміз әртүрліміз әрі бірегейміз. Биометрия технологиясы адамдарды өзіне тән физикалық ерекшеліктеріне қарай анықтауға көмектеседі. Жүйе Сіздің биометриялық деректеріңізді көп деңгейлі алгоритмдер арқылы тексереді, сондықтан оны фотосуретпен немесе гриммен алдау мүмкін емес.
Биометрия байланыс қызметтерін алу кезінде жеке басыңызды растау үшін қажет. Бұл — заң талабы, ол Сіздің дербес деректеріңізді қорғауға және алаяқтықтың алдын алуға көмектеседі: ешкім Сіздің келісіміңізсіз SIM-картаны Сіздің атыңызға ресімдей алмайды.
Оған қоса, «Биометрия» Beeline кеңселерінде қызметті жеке куәліксіз немесе төлқұжатсыз алуға ыңғайлы мүмкіндік береді. Біздің оператор Сізді планшеттегі видеокамера арқылы сәйкестендіріп, керек қызметті ұсынады.
«Дербес баптаулар» парағында нөміріңізді шертіп, «Тұлғаны растау» пернесін басыңыз.
Растау кодын алып, оны қосымшадағы терезеге енгізіңіз.
Келісім мәтінімен танысыңыз. Растау үшін, «Қабылдау» пернесін басыңыз.
Жеке басыңызды куәландыратын құжатыңызды дайындап алыңыз. «Жалғастыру» пернесін басып, құжатыңызды сканерлеңіз.
Селфи жасауға дайындалыңыз. Соның арқасында құжаттың Сіздікі екенін түсінеміз.
Құжатыңыздың дұрыс сканерленгеніне көз жеткізіңіз. Егер бәрі дұрыс болса, «Деректерді растаңыз». Қате тапсаңыз, құжатты қайта сканерлеңіз.
Болды! Нөмірдің тіркеуі биометриямен сәтті расталды.
Бұл «Байланыс туралы» Заңның 35-бабы, 2-тармағына сәйкес барлық ұялы байланыс операторларына қойылған міндетті талап: абоненттің биометриялық сәйкестендіруінсіз ұялы байланыс қызметтерін көрсету туралы шарт жасасуға болмайды. Жаңа ереже телефон арқылы алаяқтықпен және SIM-карталарды заңсыз тіркеумен күресуге көмектеседі.
Сіз биометриялық сәйкестендіруден Beeline қызмет көрсету кеңсесінде немесе SIM-карта сатып алу орнында өте аласыз.
Келесі жағдайларды тексеріңіз:
• бет біркелкі жарықтандырылған, көлеңке мен шағылысусыз;
• бет ашық: қара көзілдіріксіз, маскасыз немесе бас киімсіз;
• құрылғы бетке тура қарама-қарсы орналасқан;
• бет экрандағы сопақшаға толық сыйып тұруы керек, артқы фонда басқа адамдар болмауы тиіс;
• камерада шаң, кір немесе дақ болмауы керек.
Егер Сіздің жеке куәлігіңіз ескі үлгіде болса, эталондық базадағы сурет сапасыз немесе ескірген болуы мүмкін. Бұл жағдайда сәйкестендіру дұрыс өтуі үшін ХҚКО-ға барып, құжатты жаңартуға кеңес береміз.
Сізге MRZ-аймағы (машинамен оқылатын жолақ) бар шетелдік төлқұжат қажет болады.
Құжатты сканерлеу бойынша ұсыныстар:
• төлқұжатты тегіс бетке қойыңыз;
• шағылысу мен тым қатты жарық болмауы тиіс;
• камераны құжаттың үстіне тура бұрышпен ұстаңыз;
• құжаттың шеттері жақтауға сыйып тұруы керек (фокус автоматты түрде жасалады). Жақтау жасыл түске боялса — бұл бәрі дұрыс өткенінің белгісі.
Play Маркетен жүктеу 
App Store-дан жүктеу
