Beeline картасын шығаруды неге тоқтаттыңыздар?
Beeline картасы кобрендті карта – ол серіктес-банкпен бірге шығарылды.
Қазір халықаралық төлем жүйелеріне кіруге және өз төлем картамызды шығаруға дайынбыз. 2020 жылғы 1 қазаннан бастап жаңа Beeline Картасын шығару тоқтады, ал шығарылған карталарда 2021 жылғы 1 сәуірден бастап операциялар тоқтайды.
Классикалық карталардың орнына заманауи, ыңғайлы және тиімді сервис келді.
«Альфа-Банкпен» серіктестікті не себепті тоқтатасыздар?
Біз Visa халықаралық төлем жүйесіне кірдік, қазір цифрлы өнімімізді жасап болайын деп қалдық. Бірге жасаған жобамыз үшін «Альфа-Банкке» алғысымыз зор, енді өз мобильді қаржы сервистерімізге қатысты стратегиямызды қуана жүзеге асырамыз.
Бұрынғы Beeline картаммен не болады?
Beeline Картаңыздағы барлық қаражат нөміріңіздің мобильді теңгерімінде сақталады. Оларды нақты ақша түрінде алу немесе басқа банк картасына, я болмаса басқа нөмірдің мобильді теңгеріміне аудару оңай.
Beeline Картасы жабылған соң, ондағы ақшамнан айырыламын ба?
Уайымдамаңыз, ақшаңызды жоғалтпайсыз, өйткені олар мобильді теңгерімде ғой. Сіз барлық қаржылық оперцияларды: әртүрлі онлайн-төлемдерді, аударымдарды, банкоматтар арқылы нақты ақша алу мүмкіндігін оп-оңай пайдалана аласыз. Толық ақпарат сілтемеде: https://money.beeline.kz
Теңгерімдегі ақшаны картасыз қалай аламын?
Еш қиындығы жоқ! Beeline нөмірінің теңгеріміндегі қаражатты «Халық банк» банкоматтары, «Қазпошта» бөлімшелері арқылы оп-оңай алуға болады. Сондай-ақ басқа банк картасына немесе басқа банк шотына оп-оңай аудара аласыз. Толық ақпарат мында: https://money.beeline.kz
Мен картамен төлеп бір зат сатып алдым, бірақ кейіннен одан бас тарттым. Ақша әлі қайтқан жоқ, карта жабылып қалды. Не істеймін?
Сіз бас тартқан сауданың ақшасы, Beeline Картасының жабылғанына қарамастан, нөміріңіздің теңгеріміне қайтарылады. Оған біраз уақыт кетуі мүмкін, бірақ саудадан бас тартқан сәттен бастап, 40 күнтізбелік күнінен аспайды. Жалғыз шарты – карта тіркелген нөмір Beeline нөмірі болуы керек. Қайтару туралы қосымша ақпаратты сілтеме арқылы Альфа-Банк чатынан білуге болады https://alfabank.kz/chat