1. BeeTV қызметін қосу үшін, Сізге Beeline абоненті болу керек;
2. Android пен iOS жүйелеріне смартфонға немесе планшетке арналған BeeTV мобильді қосымшасын жүктеп алыңыз немесе www.beetv.kz сайтына кіріп, тіркеліңіз;
3. Қолайлы топтаманы таңдап, қолданыңыз.

Beeline-ның барлық абонентіне 15 күнге дейін тегін сынау мерзімі беріледі.   

  «Ұтымды Микс» және «Шекесіздік» тариф жоспарларының абоненттеріне жеңілдік беріледі:

-  Жазылымды сайт арқылы өшру үшін, Сізге аккаунтыңызбен авторизациядан өту керек: https://beetv.kz/app, содан соң сол жақ жоғарғы бұрыштағы «Тізім» белгісін басып, ары қарай «Аккаунт» бөліміне өтесіз де, «Жазылымдар» бөлімін ашасыз, одан кейін белсенді жазбаны таңдап, «Өшіру» пернесін басасыз. Сізге жазылымның өшірілгені туралы SMS-хабарлама келеді. 

- Жазылымды пәрмен арқыыл өшіруге болады: *998#. Пәрменді теріп, мәзірден «Менің жазылымдарымды өшіру» бабын таңдаңыз да, ары қарай өшірілуі тиіс жазылым нөмірін таңдаңыз. Сізге жазылымның өшірілгені туралы SMS-хабарлама келеді.
 

BeeTV деген не?

BeeTV — бұл мобильді байланыс абоненттеріне ТВ-ны, сүйікті телехикаяларды және фильмдерді BeeTV мобильді қосымшасы арқылы немесе компьютердегі браузер арқылы көруге мүмкіндік беретін сервис. Ол үшін internet (Wi-Fi, 3G/4G (кез келген оператордың) немесе басқасы) желісіне қосылу керек.

Интернет-трафик шығындала ма?

Bee TV-дегі шексіз трафие тек Beeline абоннеттеріне және тек Beeline желісінде беріледі.
Егер интернетке VPN, анонимайзер, прокси арқылы шықсаңыз, сондай-ақ смартфон модем режимінде қолданылатын болса (интернет трафик таратушыда да, оған қосылған құрылғыда да), Интернет-трафик негізгі топтамадан шығындалады.

Beeline мобильді байланысының абонентіне BeeTV қызметін смартфонда/планшетте/сайтта қалай қолдануға болады?

·         Смартфонға/планшетке BeeTV қосымшасын орнату керек немесе www.beetv.kz сайтына кіру керек;

·         «Тіркелу» нұсқасын таңдап, есімін, мобильді телефон нөмірін және кілт сөзді көрсету керек;

·         Растау кодын енгізу керек;  

·         Топтаманы таңдап, қосу керек.

Beeline мобильді байланысының абоненттері үшін қызмет қанша тұрады?

•    ТV100-ге жазылу – 50 тг/ күніне немесе 1190 тг/ айына
•    MEGOGO жазылу – 25 тг/ күніне немесе 590 тг/ айына
•    ivi  жазылу – 25 тг/ күніне немесе 590 тг/ айына
•    Amediatekaға жазылу – 30 тг/ күніне немесе 890 тг/ айына
•    START жазылу – 30 тг/ күніне немесе 899 тг/ айына
•    Премиум Спортқа жазылу - 30 тг/ күніне немесе 890 тг/ айына
•    QAZAQSHA жазылу – 22 тг/ күніне немесе  620тг/ айына

Басқа барлық абонентке:
•    ТV100-ге жазылу – 55 тг/күніне немесе1290 тг/айына
•    MEGOGO жазылу – 30 тг/күніне немесе 690 тг/айына
•    ivi жазылу – 30 тг/күніне немесе 690 тг/айына
•    Amediateka-ға жазылу – 30 тг/күніне немесе 890 тг/айына
•    START жазылу – 30 тг/ күніне немесе 899 тг/ айына
•    Премиум Спортқа жазылу – 35 тг/күніне немесе 990 тг/айына
QAZAQSHA жазылу – 25 тг/ күніне немесе 700 тг/ айына
 

BeeTV мобильді қосымшасын қайдан жүктеуге болады?

Смартфон мен планшетке арналған мобильді қосымшаны жүктеу:

·         Android-қа арналған 

·         iOS-қа арналған 

BeeTV қосымшасына қандай құрылғылардан қол жеткізуге болады?

·         Android 4.0 және одан жоғары (смартфондар мен планшеттер)

·         iOS 8.0 және одан жоғары (смартфондар мен планшеттер)

               Дербес Компьютер:

·         Windows XP

·         Windows Vista

·         7

·         8

·         OS X 10.6 немесе жоғары

·         Internet Explorer 11 және жоғары, Firefox, Safari, Opera, Chrome.

BeeTV топтамаларына қандай арналар кіреді?

Арналардың тізімімен осы жерде танысуға болады.

BeeTV қызметін қалай өшіруге болады?

BeeTV қызметін www.beetv.kz сайтындағы жеке кабинетте және мобильді қосымшадағы Жазылымдар бөлімінде өшіруге болады. Қосымшаны жойғанда қызмет өздігінен өшпейді. 

Бір уақытта қанша құрылғы қосуға болады?

Beeline мобильді абоненті бір телефон нөміріне бір уақытта кез келген екі құрылғыны: смартфон, планшет немесе компьютердегі веб-сайтты қоса алады.

Көмек алу үшін қайда хабарласуға болады?

Келесі байланыс нөмірлеріне:

 +7 (727) 3 500 500, +7 (727) 3 500 600 Алматы қаласы облысы қалалық телефоннан

 116 (Beeline абоненттеріне тегін)

Эл. мекенжай: beetv@beeline.kz

Абоненттік төлем қашан ұсталады?

Абоненттік төлем сағат 00:00-ден 03:00-ге дейін ұсталады. Егер теңгерімдегі қаражат абоненттік төлемді ұстауға жетпейтін болса, теңгерім жеткілікті сомаға толтырылғаннан кейін, абоненттік төлем толық ұсталады

1. Үйдегі Интернет TV қызметін қосу үшін Beeline «Үйдегі Интернет» абоненті болу керек. Теледидарыңыз 2013-2019 жж. шығарылған Smart TV Samsung немесе LG үлгілері болуы және интернетке қосылып тұруы тиіс;
2. Егер теледидарыңыз SmartTV-ді қолдамаса, арнайы ТV құрылғыны жалға алуға болады;
3. tvinternet.beeline.kz сайтынан тарифтік жоспарлардың бірін таңдаңыз;
4. Қосылу жөнінде өтінім қалдырыңыз;
5. Бір күннің ішінде біздің маманымыз Сізге хабарласып, монтаждық бригаданың келетін күнін келіседі;
6. Тарифтік жоспарды ауыстырған соң, егер теледидарыңыз Smart TV Samsung немесе LG үлгілері болмаса, «Үйдегі Интернет TV» қосымшасын жүктеп алыңыз. 
7. Үйдегі Интернет қызметінің жеке кабинетінің логині мен құпия сөзін теріңіз (құпия сөзді ұмытып кетсеңіз, оны Жеке кабинетте өзгертуге болады).
8. Құттықтаймыз, Үйдегі Интернет TV қызметінің пайдаланушысы болдыңыз!

«Үйдегі Интернет TV пайдаланушылары бөлек келісімшарт жасамай қоғамдық орындарда (ұшақтар, пойыздар, видеосалондар, мейрамханалар, барлар, қонақүйлер және т.б.) прокатқа шығару арқылы контентті қолдануға құқылы емес. Бұл ретте ақырғы пайдаланушылар сервисті қолданғаны үшін жауапкершілікті жекелей көтереді».

Қызмет қандай Smart TV теледидарларда жұмыс істейді?

1. Smart TV Samsung – 2013-2019 жылдары шыққан. Samsung SmartTV тіркелгісің жасау үшін осы нұсқаны жүктеңіз.   

2. Netcast, WebOS жүйесілер негізіндегі LG Smart TV теледидарларында. 2019 жылға дейін шыққан үлгілер.

Қызметті өшіру үшін, cізге Клиенттерді қолдау орталығына қоңырау соғу керек немесе Beeline кеңсесіне келіп, қызмет шартын бұзуға өтініш жазу керек.

Samsung теледидарының шығарылған жылын қалай анықтауға болады?

LG теледидарының шығарылған жылын қалай анықтауға болады?

TV Үйдегі Интернет-ті орнату жөніндегі нұсқаулық

• Smart TV Samsung және LG теледидарына "TV Үйдегі Интернет" қосымшасын орнату нұсқаулығы
• Android ОЖ-іне арналған
• iOS ОЖ-іне арналған
• ТД-приставкасы арқылы

Негізгі қателер және оларды түзету жолдары

Қате: «Сигнал жоқ» жазбасы немесе жай қара/көк экран пайда болады.

Қалай түзету:

1. Шоғырсымды желіден немесе тв-құрылғының өзінен 5 минутқа суырып алып, қайта қосу арқылы тв-құрылғыны өшіріп-қосыңыз. Құрылғы іске қосылғанша күтіңіз.

2. Теледидар пультындағы Source батырмасының көмегімен сигнал көзінің дұрыс таңдалғанын тексеріңіз. Батырманың аты басқаша да болуы мүмкін: Src, Input,  TV/AV немесе аты жазылмай, ішінде нұсқары бар тікбұрыш суреті салынуы мүмкін.

Қате: «Видеоны ойнату қатесі» жазбасы пайда болады.

Қалай түзету:

1. ТВ құрылғыны қолданғанда «Видеоны ойнату қатесі» жазбасы пайда болған жағдайда, шоғырсымды желіден 5 минутқа суырып алып, содан соң қайта қосу арқылы Wi-Fi роутер мен тв құрылғыны кезекпен өшіріп-қосыңыз. Тв құрылғы мен роутер іске қосылғанша күтіңіз.

2. TV Үйдегі Интернет қызметін Смарт ТВ арқылы қолданған жағдайда, теледидар мен роутер арасындағы жалғасуды тексеруіңіз қажет. Интернетпен байланыс бар болса, теледидарыңыздағы бағдарламалық жасақтаманы жаңартуыңыз қажет.

Қате: Арналар тізімі таңдалған тарифке сәйкес келмейді.

Қалай түзету: Tvinternet.beeline.kz сайтында арналардың сіздің тарифіңізге кіретініне көз жеткізіп, ТВ пакетіңіздің қолжетімді арналар тізімін тексеріп шығыңыз.

Қате: Дыбысқа/бейнеге қатысты қиындықтар

Қалай түзету: ТВ құрылғының теледидарға дұрыс жалғануын тексеріңіз. «Қызғалдақ» тәрізді шоғырсым нұсқасын қарайық: Шоғырсымның бір ұшын құрылғының жалғағышына, екінші ұшын теледидарға жалғаңыз. Шоғырсым таңбаламасының орындалуына назар аударыңыз, яғни «сары» түсті қызғалдақ сары түсті жалғағышқа жалғанады және т.б. Егер HDMI-шоғырсымды қолданғыңыз келсе, оны құрылғының HDMI жалғағышына, ал екінші ұшын теледидардағы тура осындай портқа жалғаңыз.

Қате: Жаңа құрылғыны тіркеу қатесі (жалғануға қолжетімді құрылғы жоқ)

Қалай түзету: Қате пайда болған жағдайда, TV Үйдегі Интернет қосымшасы арқылы анықталмайтын құрылғыдан «шығу» қажет. Бұл құрылғыға қатынау мүмкіндігі жоқ болса, Beeline нөмірінен 3535 нөмірі немесе 87273500035 қала нөмірі бойынша байланыс орталығына хабарласуыңыз қажет.

Басқа нұсқаулықтар

• ТВ архив және онымен қалай қолдану керек
• Ата-ана бақылауы
• Логтау
• Авторизация бойынша нұсқаулық
• Арналарды сұрыптау

Орнату нұсқаулығы

Теледидарды  келесі сызба бойынша қосуға болады:

1. 1. Приставканы теледидарға HDMI шоғырсымы арқылы қосыңыз. Егер теледидарда HDMI ұяшық жоқ болса, CVBS ұяшығын пайдаланыңыз.

Шоғырсымды HDMI және CVBS ұяшықтарына бірге қосқанда, сигнал беру басымдығы HDMI ұяшыққа беріледі.

1. 2. Приставканы розеткаға қосыңыз - DC IN  ұяшығы.
2. 3. Приставканы LAN ұяшығы арқылы Ethernet шоғырсымымен интернетке қосыңыз.

ТВ-приставканы қосу және ары қарай қолдану үшін, Ethernet шоғырсымымен сымды байланысты пайдалану ұсынылады.

Егер Сіз приставканы WiFi арқылы қоссаңыз, «Қосылуды баптау» экранында «Баптауларды» басыңыз.

Ары қарай, «WiFi байланыс» кіріктірмесін таңдап, тізімнен үй желісін таңдаңыз да, қажет болса, кілт сөзді енгізіңіз.

Егер бәрі дұрыс қосылса және интернетпен байланыс болса, бағдарламалық қамсыздандыруды жаңарту басталады.

Назар аударыңыз! Жүктеу аяқталғанға дейін құрылғыны тоқтан және интернеттен ажыртапаңыз. Жаңарту кезінде приставка өздігінен қайта жүктелуі мүмкін.

Жүктеу аяқталып, жаңарту орнатылған соң, приставка қолдануға дайын болады.

Қарапайым теледидардан TV Үйдегі Интернет қызметімен ТВ-арналарын көру үшін, DUNE HD – 102 үлгісіндегі STB (Set Top Box) приставкасын қолдану керек, ол видеодеректерді түрлендіріп, шифры шешілген бейнежазбаны теледидар экранына шығарады.

STB Dune HDTV-102W приставкасын баптау нұсқаулығы.

ТВ-приставканы ауыстыру және қайтару шарттары

Жалға алынған приставканы қайтару үшін сату және қызмет көрсету кеңселеріне хабарлассаңыз болады:

• Қосқан кезде жалға алған құрылғыңыздың толық жиынтығын алып келуіңіз керек.
• Өз қалаңыздағы сату және қызмет көрсеті кеңсесіне барыңыз;

Жеке куәлігіңіздің түпнұқсасын ала келіңіз, сондай-ақ «Үйдегі интернет» қызметіндегі логиніңіз бен тіркелген мекенжайыңызды айту керек болады.

• Егер қалаңызда  Сату және қызмет көрсету кеңсесі жоқ болса, келесі нөмірлерге хабарласуыңызға болады: Моб.: 3535 – Beeline нөмірінен тегін

Жиынтық толық болмаса немесе толымдаушы құрылғылардың бірі бұзылған болса, құрылғыны ұсыну шартындағы прайс-парақша бойынша өтемақы алынады 4.4-тармақша.

Қондырғыны ауыстыру кезінде, егер жиынтықтың толымдаушы құрылғыларының бірі Сізге қатысы жоқ еңсеруге келмейтін күш салдарынан бүлінген болса, тегін ауыстырылады, басқа жағдайда толымдаушылардың бірі бүлінсе, бүлінген құрылғыны ауыстыру құны шарттың 4.4-тармағында көрсетілген, прайс-парақша шеңберінде өтеліп алынады.

STB-приставканың толық жиынтығы

А) ҚБ радиожиілік пульті – 1 дана;

В) Абонентік приставка – 1 дана;

С) Қолданушы нұсқаулығы – 1 дана;

D) RCA шоғырсымы (қызғалдақ) – 1 дана;

Е) HDMI шоғырсымы – 1 дана;

F) Тоқ көзі адаптері – 1 дана;

G) ИҚ (инфрақызыл) ұзартқыш – 1 дана;

Н) Патч корд – 1 дана;

Приставкадағы ұяшықтардың мақсаты

USB ұяшығы - алынбалы тасымалдағыштарды қосу үшін (HDD, flash cards);
AV out ұяшығы- RCA шоғырсымы арқылы теледидарға қосу үшін;
HDMI ұяшығы - HDMI шоғырсымы арқылы теледидарға қосу үшін;;
LAN 10/100 ұяшығы - патч корд (wi-fi router+приставка) арқылы приставканы тікелей қосу үшін;
IR EXT ұяшығы - ИҚ (инфрақызыл) ұзартқышты қосу үшін;
5v in (тоқ көзі) ұяшығы – тоқ көзі адаптеріне қосу үшін (қуаттағыш).

Қосу ортасына қойылатын талаптар

Үйдегі Интернет желісі (роутерді баптау)
- Dune HD TV патчкорд (wi-fi router+приставка) арқылы тікелей қосылады;
- Топтамаларды NAT-бағыттау немесе proxy мен белгілі бір хосттарды немесе басқа қосымша желілерді желілік деңгейде бұғаттауды қолданатындарынан басқа бағыттаудың басқа жолдары, рұқсат етіледі.

Интернет желісіне кеңжолақты қосылу
- SD (Standard Definition) сапалы телеарналарды көру үшін ең кемі 2,5 Мбит/сек;
- HD (High Definition) сапалы телеарналарды көру үшін ең кемі  6 Мбит/сек.

Теледидардың сипаттамасы
- HDMI немесе RCA-кіру;
- FULL HD, HD READY.

Қосу сұлбасы

DUNE HDTV-102 приставканы тікелей қосу (патчкорд).

26.02.2018 жылғы № 092/18 бұйрыққа №1 қосымша

«КаР-Тел» ЖШС-ң Абоненттердің дербес деректерін жинауға,

өңдеуге және қорғауға қатысты саясаты

«КаР-Тел ЖШС» компаниясы (бұдан әрі - Компания) Сіз өз дербес деректеріңізді ұсына отырып, бізге сенім білдіргендеріңізді бағалайды, және оларды қорғау мақсатында техникалық, ұйымдастырушылық, құқықтық сипаттағы барлық қажетті шараларды қолданады. Біздің қандай дербес деректерді жинап, оларды қалай өңдеп және қорғайтынымызды білу үшін осы Дербес деректерді жинауға, өңдеуге және қорғауға қатысты саясатпен (бұдан әрі – Саясат) мукият танысыңыз.

Компания туралы ақпарат

«КаР-Тел» жауапкершілігі шектеулі серіктестігі, БСН 980540000397, мекен-жайы: Қазақстан Республикасы, Астана қаласы, Алматы ауданы, Қ. Жалайыри көш., 2 үй, телефон: 8 (727) 350 06 06, Компанияның сайты: www.beeline.kz

Жалпы ережелер

Біз осы Саясатты (бұдан әрі - Саясат) Қазақстан Республикасының дербес деректер және оларды қорғау чаласындағы заңнамасының талаптарына сәйкес әзірледік.

Саясатта біз келісім алу тәсілдерін, жиналатын дербес деректер тізімін, оларды жинау және өңдеу мақсаттарын, Компания мен абоненттердің міндеттерін, сондай-ақ Сіздің дербес деректеріңіздің қауіпсіздігін қамтамасыз ету мақсатында, қабылдайтын шаралар тізімін ашып көрсетеміз.

Саясат абоненттердің дербес деректерін жинау және өңдеу бойынша Компанияның негізгі қызметін жариялайтын, көпшілікке қолжетімді құжат болып табылады. Сасяат қызмет көрсету және сату кеңселерінде және Компанияның сайтында танысу үшін қолжетімді.

Сіз Компанияға ұсынған дербес деректер құпия ақпарат болып табылады. Біз Сіздің деректеріңізді қорғау бойынша ішкі ережелерді әзірледік және оларды үнемі өзектендіреміз, және қызметкерлеріміздің осы ережелерді дұрыс орындалуын қадағалаймыз. Компанияның әрбір қызметкері өзінің атқарымдық міндеттерін орындау үшін қолжетімді болатын құпия ақпаратты жарияламауы туралы міндеттемеге қол қояды.

Дербес деректерді жинау және өңдеуге келісім алу

Біз Сіздің қолжетімділігі шектеулі дербес деректеріңізді тек қана Сіздің келісіміңізбен жинаймыз және өңдейміз.

Қазақстан Республикасы заңнамасының талаптарына сәйкес Компания абоненттерге Қызметтер көрсету туралы шарт болған жағдайда ғана қызмет көрсетеді, бұл шартты жасасу тәртібі мен талаптары байланыс саласындағы уәкілетті орган бекіткен тиісті ережелерде белгіленген, Біз шартымыз жария болып табылады және Компаниямыздың кеңселері мен сайтында танысу үшін қолжетімді. Жария шартты жасасу аталған шарттың ажырамас бөлігі болып табылатын тіркеу нысанын толтыру және қол қою арқылы оған қосылу ретінде жүргізіледі.

Тіркеу нысанында дербес деректерді жинауға және өңдеуге келісім туралы тарау бар, оған қол қою арқылы Сіз Компанияға тіркеу нысанына қол қойған кезде өз бетіңізше ұсынған және шарт бойынша қызмет көрсету барысында Компания үшін қолжетімді болатын барлық дректерді жинауға және өңдеу келісім бересіз.

Дербес деректерін жинауға және өңдеуге келісімін абонент Компанияның сайтындағы жеке кабинеті арқылы электрондық құжаттың, электрондық хабарламаның көмегімен немесе Компанияның анықтамалық қызметі хабарласқан кезде жазбаша түрде айтқан деректерді ұсыну арқылы бере алады.

Жиналатын дербес деректердің тізбесі

Осы Саясат Сіз Жария шартқа қосылу үшін ұсынатын, біздің ақпараттық қызметке жүгінген уақытыңызда берілетін, Компанияның сайтында жеке кабинетінде толтырылатын және қызметтерді ұсыну барысын Компания алатын дербес деректеріңізге де қолданылады.

Компания дауыстық байланыс, төтенше қызметтерді шақыру және СМС жіберу қызметтері кіретін ұялы байланыс қызметтерін көрсету үшін жинайтын дербес деректердің тізімімен Компанияның сайтында таныса аласыз.

Негізгі ұялы байланыс қызметтерін көрсету үшін жиналатын дербес деректердің тізімі ұялы байланыс қызметтерін көрсетуге арналған шарт жасауға қажетті ең азы болып табылады және абоненттің осы деректерді міндетті көрсетуіне қойылатын талаптар Қазақстан Республикасының заңнамасымен айқындалған.

Осы Саясат үшінші тұлғаларға тиесілі ақпараттық ресурстарда жиналған немесе Сіз біздің байланыс желілерімізді пайдалана отырып, өз бетіңізше берген ақпаратқа таралмайды. Үшінші тұлғалардың ақпараттық

ресурстарында дербес деректерді қорғау туралы өз Саясаты болуы мүмкін. Компания абоненттердің үшінші тұлғалар Компанияның қызметтерін пайдалану арқылы жіберген ұнамсыз қысқа мәтіндік немесе өзге хабарламаларын алғаны үшін жаапкершілік тартпайды. Үшінші тұлғалардың ақпараттық ресурстарын пайдалануды бастар алдында және оларға өз дербес деректеріңізді ұсынбас бұрын осы ресурстардың Құпиялылық саясатын зейін қойып оқып шығуға және өзіңіздің дербес деректеріңізді таратуға барынша абай болуға кеңес береміз.

Сіз Компаниядан қолда бар дербес деректердің тізімін, мақсаттарын, дереккөздерін, дербес деректерді жинау және өңдеу тәсілдерін, сондай-ақ оларды өңдеу мен сақтау мерзімдерінен тұратын ақпаратты сұрауыңызға болады. Сұратым жасау абоненттерге қызмет көрсетілетін кеңселерде жазбаша өтініш беру арқылы жүзеге асырылады.

іздегі дербес деректеріңізді өзгерту немес толықтыру сондай-ақ Сіздің жазбаша өтінішіңізбен және дербес деректеріңіздің өзгерісін растайтын құжаттарды ұсынуыңыз арқылы жасалады.

Дербес деректерді жинау және өңдеу мақсаттары

Біз дербес деректерді абонентен арадағы өз қызметімінді көрсету туралы шарттың талаптарын орындау мақсатында, Компаниямыздың серіктестернің, Компаниямыздың өкілдерінің қызметтерін, соның ішінде Компанияға үшінші тұлғалар көрсетететін және Компания үшінші тұлғаларға көрсететін қызметтерді, конвергентті қызметтерді көрсету мақсатында, ұсынылатын қызметтер мен қызмет көрсетулердің сапасын жақсарту, маркетингтік белсенді шараларды өткізу, жаңа өнімдер мен қызметтерді әзірлеу және ұсыну, абоненттер мен пайдаланушыларға көрсетілетін қызметтер мен қызмет көрсету тәртібі мен шарттарының өзгеруі туралы ақпараттандыру, абоненттер мен Компанияны Компанияның қызметтерін пайдаланумен байланысты алаяқтық әрекеттерден қорғау мақсатында, мемлекеттік органдарға фискальды есеп ұсыну, дебиторлық берешекті өндіріп алу мақсатында, сонымен қатар абоненттер мен пайдалнушылардың конкурстар мен жарнамалық науқандарға қатысуы, сондай-ақ Компания мен үшінші тұлғалардың заңнамада белгіленген құқықтар мен міндеттерді жүзеге асыру мақсатында жинаймыз және өңдейміз.

Абоненттің дербес деректерді жинауға және өңдеуге берген келісімін қайтарып алуы

Сіз дербес деректерді жинау және өңдеу туралы Компанияға берген келісіміңізді кері қайтарып ала аласыз. Алайда дауыстық байланыс, төтенше

қызметтерді шақыру және СМС жіберу қызметтері кіретін негізгі қызмет түрлерін көрсету үшін Сіздің дербес деректеріңіздің қажет екендігін ескеру қажет. Бұл жағдайда өз келісіміңізді кері қайтарып алу Компания және оның серіктестері көрсететін қызметтердің кейбір немесе барлық түрлерін тоқтатуға әкеп соғуы мүмкін.

Келісіміңізді кері қайтарып алу үшін Компанияның сату және қызмет көрсету бөлімшелеріне жүгініп, жазбаша өтініш беруіңіз қажет. Өзіңізбен бірге жеке куәлігіңіз болуы тиіс.

Егер Компанияның алдындаорындалмаған міндеттеріңіз болса немесе өзге заңнамалық шектеулер болса, онда дербес деректерді жинауға және өңдеуге берген келісіміңіз кері қайтарып ала алмайсыз

Сіз қызметтердің қосымша түрлерін көрсетуімізге қажет дербес деректерді жинауға және өңдеуге берген келісіміңізді кері қайтарып ала аласыз. Бұл жағдайда кері қайтарып алынатын дербес деректермен байланысты қызметтер ғана өшіріледі.

Қосымша қызметтерді қайта қосу үшін Компанияның сату және қызмет көрсету кеңселерінде жазбаша өтініш, сондай-ақ дербес деректеріңізді жинауға және өңдеуге қатысты келісіміңіз талап етілуі мүмкін.

Дербес деректерді сақтау мерзімі

Біз Сіздің дербес деректеріңізді Компанияға ұялы байланыс қызметтерін көрсету шарты бойынша дербес деректерді жинау және өңдеу мақсаттарына жетуге қажетті мерзім ішінде, аталған шарттың әрекеті тоқтағаннан кейін 2 және Сіз қол қойған келісімге сәйкес сақтаймыз.

Қазақстан Республикасының заңнамасына сәйкес деректерді өңдеу мақсатына жеткеннен кейін Сіздің дербес деректеріңіз жойылады немесе тұлғасыздандырылады.

Компанияның дербес деректерді қорғау бойынша қолданатын шаралары

Сіздің дербес деректеріңізге қолжетімділік өзінің атқарымды міндеттерін орындау үшін осы деректер қажет Компанияның қызметкерлеріне ғана ұсынылады.

Біздің барлық қызметкерлеріміз құпия ақпаратты жарияламау туралы міндеттемелерге қол қояды, сонымен қатар абоненттердің дербес деректерін қорғауға қойылатын талаптарды бұзған жағдайда туындайтын жауапкершілік туралы ескертілді.

Сіздің дербес деректеріңіз ақпараттық қауіпсіздіктің халықаралық стандарттарына сәйкес келетін біздің электрондық базаларымызда сақталады.

Дербес деректерді үшінші тұлғаларға беру

Дербес деректерді жинау және өңдеу мақсаттарын жүзеге асыру үшін біз Сіздің дербес деректеріңізді өз серіктестерімізге трансшекаралық түрде ұсына аламыз. Дербес деректердің серіктестерге ұсыну ұсылатын дербес деректердің құпиялылығы мен заңдылығы қағидаларына негізделеді. Әр серіктеспен абоненттердің дербес деректерін және басқа құпия ақпараттарды жарияламау туралы шарт жасалады. Серіктеспен жасалатын шартта біз абоненттердің дербес деректерін олардың келісімінсіз немесе өзге заңнамалық негізсіз таралуына жол бермеу жөніндегі талаптарды қарастырамыз.

Дербес деректерді көбейту және бейіндеу

Біз Сіздің дербес деректеріңізді Сізден қосымша ақпарат сұрату арқылы немесе ашық дереккөздерден, мысалы жалпыға қолжетімді әлеуметтік желілердегі аккаунттардан ақпарат алу арқылы толықтыра немесе нақтыландыра аламыз.

Дербес деректерді көбейту және бейіндеу осы Саясатта көрсетілген жинау және өңдеу мақсаттарында ғана жүргізіледі және бізге Сіз үшін қызықты және тиімді ұсыныстар жасауға көмектеседі.

Саясаттың өзгеруі

Компания осы Саясатқа өзгерістер енгізуге құқылы. Саясаттың жаңа басылымы Компанияның сайтында жарияланған сәттен бестап күшіне енеді, егер Саясаттың жаңа басылымында өзгеше көзделмесе. Біз осы Саясаттың өзектілігін жүйелі түрде тексеруге кеңес береміз. Саясат өзгертілгеннен кейін Компанияның қызметтерін пайдалануды жалғастыра отырып, Сіз Саясатқа енгізілген өзгерістермен келісетініңізді растайсыз.

13.12.2018 жылғы №18022428 лицензия негізінде әрекет ететін «КаР-Тел» жауапкершілігі шектеулі серіктестігі (ары қарай – Оператор), осы шарттарға сай Қызметтерді қолдануды қалайтын тұлғаларға (ары қарай  – Абонент) телевизия хабарларын тарату қызметін ұсынады. Оператор мен Абонент осы шарттардың шеңберінде «Тараптар», ал жеке-жеке – «Тарап» деп аталады.

Телерадио хабарларын тарату қызметтерін ұсыну туралы осы жария шарт (ары қарай мәтін бойынша - Шарттар) Қазақстан Республикасы Азаматтық кодексінің (Жалпы бөлім) 27.12.1994 жылы шыққан 395-бабына сай, жеке тұлғаларға арналған жария шарт – оферта (ары қарай - Оферта) болып табылады. Абоненттің өтініш жіберу арқылы Қызметті қосуға қатысты әрекеттерді жасауы (соның ішінде Қызмет ақысын төлеуі және оны қолдануы) Абоненттің осы Шарттармен келісетінін (қабылдайтынын) білдіреді және Абоненттің осы Шарттармен толық, әрі даусыз келісуі (Офертаны құптауы) ретінде саналады.

1. Осы Шарттың мәні
   1. Осы шарттар бойынша Оператор Абонентке теле-, радио хабарларын тарату (ары қарай мәтін бойынша – Қызметтер) қызметтерін ұсынады, ал Абонент Қызмет нәтижесін қабылдауға және олардың ақысын төлеуге міндеттеледі.
   2. Осы шарттардың шеңберінде Оператор Абонент белгілеген/таңдаған теле-, радиоарналар топтамасын таратады, Абонент Оператор тағайындаған төлемді төлеп, Қызметті қосқан соң, оларды көре алады.
   3. Абонент Қызметтерді Сервиске жазылу және оны ұсыну ережелеріне сай қосады, әрі өшіреді. Абоненттерді қосу нұсқаулығы Beeline.kz сайтында жарияланған.
   4. Осы шарт белгісіз мерзімге жасалады.

1. Тараптардың құқықтары мен міндеттері
   1. Абонент құқылы:
      1. Осы Шарттар бойынша Қызметтерді тиісті түрде және дәл уақытында алуға;
      2. Қызметтерді ұсынудың жаңа шарттарымен келіспеген жағдайда, біржақты тәртіппен шартты бұзуға;
      3. тарифтік жоспарын Оператордың тізіміндегі тарифтік жоспарға ауыстыруға.
   2. Абонент міндетті:
      1. Осы Шартқа сай ұсынылған Қызметтердің ақысын төлеуге;
      2. Қызметтеррді қолдану барысында осы Шарттарды, сондай-ақ Оператордың ішкі актілерінде бектіліген басқа талаптарды, техникалық шарттарды, Қызметтерді қолдану ережелерін, сонымен қатар Қазақстан Республикасының қолданыстағы заңнама нормаларын сақтауға;
      3. Қызметтерді коммерциялық мақсаттарда қолданбауға, яғни оларды табыс табу мақсатында үшінші тұлғаларға телерадио хабарларын тарату қызметтерін көрсету үшін қолданбауға, сондай-ақ шоғырсым арқылы немесе басқа жолмен жұртшылыққа көрсетпеуге, жария түрде орындамауға, эфир арқылы жұртқа хабар таратпауға, соның ішінде жалпылама мәліметті жеткізбеуге;
      4. мәртебесінің, мекенжайының, байланыс деректерінің немесе Қызмет көрсетуде айтарлықтай маңызы бар басқа да мәліметтерінің өзгергені туралы, аталған өзгерістер орын алған сәттен бастап 5 (бес) жұмыс күні ішінде Операторға жазбаша түрде хабарлауға. Осы тармақ сақталмаса, барлық жауапкершілік Абонентке жүктеледі; 
      5. осы шарттардағы құқықтары мен міндеттерін Оператордың жазбаша келісімінсіз үшінші тұлғаларға бермеуге;
      6. Оператор ұсынған Қызметтерді, сондай-ақ телекоммуникация желілерін және (немесе) қондырғыларын құқыққа қайшы мақсаттарда, соның ішінде үшінші тұлғалардың өміріне, денсаулығына және (немесе) мүлкіне зиян тигізу мақсатында қолданбауға;
      7. Оператор ұсынған телекоммуникация желілерін және (немесе) қондырғыларын телерадио хабарларын тарататын басқа операторлардың қызметтерін ұсыну мақсаттарында қолданбауға.
      8. Абонент Оператордан уақытша қолдану шартымен Қондырғы алса, Шарт бұзылған жағдайда, оны ақаусыз, жұмысқа жарамды күйде қайтаруға. Егер Абоненттің қондырғыны қайтаруға мүмкіндігі болмаса, Абонент оның толық құнын Операторға өтейді.
   3. Оператор құқылы:
      1. Қызметтерді тиісті түрде және дәл уақытында көрсету мақсатында Қазақстан Республикасының қолданыстағы заңнамасына сай, Абонент міндетті түрде сақтауы тиіс басқа да талаптарды, техникалық шарттарды, Қызметтерді қолдану ережелерін бекітуге;
      2. Абонент осы шарттардың ережелерін (соның ішінде осы шарттарда қарастырылған төлемдерді төлеу ережелерін), техникалық шарттарды және (немесе) талаптарды бұзған жағдайда, сертификатталмаған қондырғыларда қолданса, сондай-ақ профилактикалық және жоспарлы жұмыстар кезінде, апатты жағдайларда, я болмаса жеке және заңды тұлғалардың өміріне, денсаулығына және (немесе) мүлкіне зиян тию қаупі туындаса, Қызмет көрсетуді тоқтатуға немесе шектеуге;
      3. Болжалды өзгеріс енгізілетін күннен 10 (он) күнтізбе күні бұрын, ал тарифтердің өзгерісіне қатысты болса, болжалды өзгеріс енгізілетін күннен 30 (отыз) күнтізбе күні бұрын Абонентке хабарлай отырып, Қызмет көрсету шарттарын біржақты тәртіппен тағайындауға және (немесе) өзгертуге (соның ішінде, бірақ онымен шектелмей: теле-, радио арналары тізімін өзгертуге, тарифтер мен төлемдер көлемін өзгертуге). Хабарлама Абонентке тиісті ақпаратты бұқаралық ақпарат құралдарында, Оператордың Интернет-ресурсында, төлем шоттарында және т.с.с. жариялау арқылы жеткізіледі. Осы тармақта қарастырылған тәртіппен тиісті ақпарат жарияланған сәттен бастап, тарифтердің өзгеретіні туралы Абонентке тиісті түрде хабарланды деп саналады
      4. Келесі жағдайларда Абонентпен осы Шартқа отырудан бас тартуға:
         1. Қызмет көрсету мемлекеттің қауіпсіздігі мен қорғаныс қабілетіне, адамдардың денсаулығына немесе қауіпсіздігіне қауіп төндіруі мүмкін болса;
         2. физикалық, топографиялық немесе басқа да табиғи кедергілердің салдарынан қызмет көрсету мүмкін болмаса немесе Абонент орналасқан жерде техникалық мүмкіндік болмаса;
         3. Абоненттің техникалық құралдары осы қондырғының техникалық талаптарына сай болмаса;
         4. Оператор лицензиясының жарамдылық мерзімі тоқтаса.
   4. Оператор міндетті:
      1. осы Шарттарға сай Қызметтерді Абонентке көрсетуге;
      2. Қызмет сапасы нашарлаған жағдайда (техникалық ақаулық және т.б.), ол туралы Абонент мәлімдеген сәттен бастап 48 (қырық сегіз) сағат ішінде туындаған ақаулықты жоюға. Ақаулықтарды жою кезіндегі Қызметтердің ақысы жалпы тәртіппен есептеледі;
      3. Қызметті қауіпсіз ұсынуды қамтамасыз ететін материалдарды (тетіктерді, құрылымдарды) және қондырғыларды қолдануға;
      4. 24 (жиырма төрт) сағаттан аспайтын уақытқа профилактикалық және жөндеу-сервис жұмыстарын жүргізу қажет жағдайларды санамағанда, тәулік бойы Қызмет көрсетуге. Оператор профилактикалық және жөндеу-сервис жұмыстары жүретіні туралы профилактикалық және жөндеу-сервис жұмыстары басталатын сәттен 24 (жыирма төрт) сағат ерте уақыттан кешіктірмей Абонентке хабарлауға міндетті;
      5. осы Шарттарда қарастырылған мерзімде Қызмет көрсету шарттарының өзгергені және (немесе) профилактикалық және жөндеу-сервис жұмыстарын жүргізу қажеттігі туралы бұқаралық ақпарат құралдарында, Оператордың Интернет-ресурсында және т.б. жолдармен Абонентке ақпарат беруге.

1. Қызметтердің ақысын төлеу тәртібі
   1. Оператор Қызметтерді алдын ала төлеу негізінде көрсетеді.
   2. Оператор тарататын телеарналар топтамасының құны таңдалған тарифтік жоспарға сай есептеледі.
   3. Қызмет туралы толық ақпарат (соның ішінде, бірақ онымен шектелмей, жаңа тарифтік жоспарлар енгізілетіні және/немесе қолданыстағы тарифтік жоспарлар өзгеретіні туралы ақпарат) пен Қызмет көрсету шарттары Оператордың Интернет-ресурсында жарияланады.

1. Тараптардың жауапкершілігі
   1. Телекоммуникация желілері мен қондырғылардың жағдайы үшін жауапкершілік оларға қызмет көрсету - бөлу шекарасымен (ғимарат, қоршалған территория және т.с.с.) және (немесе) балансқа қатыстылығымен анықаталады. Бөлу шекарасына дейінгі телекоммуникация желілері мен қондырғыларды Абонент дербес және өз есебінен күтіп ұстауы, ал бөлу шекарасынан тыс жерлерде Оператордың күшімен және құралдарымен жасалуы тиіс.
   2. Қызмет көрсету барысында Оператор келесілер үшін жауап бермейді:
      1. Қондырғыларды және (немесе) көрсетілетін Қызметтерді тиісті түрде қолданбау салдарынан болған кез келген зиян, айырылып қалған пайда, адамдардың өміріне немесе денсаулығына тиген зиян үшін; 
      2. Қызметтерді ұйымдастыруға қатысатын үшінші тұлғалардың әрекеттері үшін;
      3. Абоненттің Қызметтер арқылы алынған ақпаратты қолдануға қатысты тәуекелдері үшін;
      4. Уәкілетті органдардың уақытша тыйым салуы, электр жнергиясын беруді тоқтату, атмосфералық жағдайлар мен Оператордың еркінен тыс басқа да жағдайлар нәтижесінде туындаған Қызметтерді алу үзілісі үшін.
   3. Осы шарттарда қарастырылған жауапкершілік шаралары кінәлі тарапты осы шарттар бойынша міндеттемелерін тиісті түрде орындаудан босатпайды.
   4. Тараптардың осы шарттарда қарастырылмаған жауапкершілік шарттары Қазақстан Республикасының аумағында қолданылатын азаматтық заңнаманың ережелеріне сай қолданылады.

1. Өзгерістер, Қызметтерді қосу және өшіру
   1. Абонент Қызметтерді Сервиске жазылу және оны ұсыну ережелеріне сай қосады, әрі өшіреді. Абоненттерді қосу нұсқаулығы Beeline.kz сайтында жарияланған.
   2. Осы шарттардың өзгеретіні немесе тоқтайтыны туралы Абонентке бұқаралық ақпарат құралдары, Серіктестің Интернет-ресурсы және т.т. арқылы, осы өзгеріс күшіне енуден 5 (бес) күнтізбе күні бұрын хабарланады. Тиісті хабарламада көрсетілген сәттен бастап осы Шарттар өзгерді немесе тоқтады деп саналады. Егер өзгерістер күшіне енген соң, Абонент осы Шарттардың өзгерісін қабылдаудан бас тартатынын осы Шарттардың өзгерісі жарияланған сәттен бастап 5 (бес) күнтізбе күні ішінде Оператордың мекенжайына жібермесе, сондай-ақ жаңа шарттармен Қызметтерді қолдануды және (немесе) төлеуді жалғастыра берсе, мұндай өзгерістерді Абонент қабылдады деп саналады.
   3. Келесі жағдайларда Оператор соттан тыс біржақты тәртіппен Қызметті өшіре алады:

- Абонент Оператордың Қызметтерін/Қондырғыларын Оператордың қызметіне жағымсыз әсер ететін түрде қолданса немесе Қызметтерді басқа абоненттер қолданса, соның ішінде заңсыз немесе заңға қайшы қызметтерге қолданса;

-  Абонент Қызметтердің ақысын төлеу талаптарын бұзған жағдайда;

-  Осы Шарттың талаптары бұзылған жағдайда.

1.    Қорытынды ережелер
   1. Осы Шарт бойынша құқықтар мен міндеттер басқа тұлғаларға берілмейді, егер басқа жағдай Тараптардың қосымша жазбаша келісімінде айтылмаса.
   2. Осы Шартта қарастырылмаған барлық мәселе Қазақстан Республикасының қолданыстағы заңнамасымен реттеледі.
   3. Осы Шарттың орыс және қазақ тілдеріндегі мәтінінде айырмашылық анықталған жағдайда, осы Шарттың орыс тіліндегі мәтіні басымдыққа ие болады.

TV бағдарламасымен мына жерде танысуға болады