Настрадин Евгений Иванович
Beeline Қазақстанның Бас атқарушы директоры
Евгений Beeline Қазақстан компаниясының шақыруын қабыл алып, 2016 жылы ақпанда Жалпы нарықты дамытушы коммерциялық директор болып тағайындалды. Ал 2019 жылғы 1 ақпаннан бері Бас атқарушы директор лауазымында еңбек етуде.
СЕО лауазымында Евгений Beeline-ның цифрлы оператор ретінде дамуын ары қарай жетілдіре түсті. Өзі айтқандай, «Бір күндері біз әдепкі классикалық оператор болып қалмауымыз керегін, клиентті басты назарда ұстайтын икемді сервистік компания болуымыз, ал ол үшін ІТ-компанияға айналуымыз керек екенін түсіндік».
Таңдалған стратегияны ұстана отырып, Beeline Қазақстан өз цифрлы экожүйесіне кіретін көптеген сервисті дамытуда. Компания қоржынында еліміздегі алғашқы необанк Simply, hitter музыка стримингі, BeeTV мобильді телевизиясы бар, ал «Менің Beeline-ым» мобильді қосымшасын ай сайын 4 миллионнан астам қазақстандық пайдалануда.
Евгенийдің басшылығымен Beeline Қазақстан 2020 жылдан бері таралымы жағынан және мобильді интернет жылдамдығы жағынан нарықта көш бастап келеді. Компанияның LTE желісі елімізде ең кең таралған желі. Қазір бүкіл елімізде Beeline-ның 25 мыңнан астам базалық станциясы (БС) орнатылған, Beeline БС-ы бар барлық өңірде 97% LTE желісі таралған.
Евгений Настрадин 1995 жылы Кременчуг азаматтық авиация ұшқыштар училищесінің «Ұшқыш» мамандығын бітіріп, Кировоград азаматтық авиация ұшқыштар училищесінің «Инженер-ұшқыш» мамандығында білімін жалғастырған. 2014 жылы Одесса ұлттық политехникалық Университетінің «Кәсіпорын экономикасы» мамандығы дипломын алған.
Евгений еңбек жолын 1997 жылы Одесса қаласында «Japan Tobacco International» (JTI) ЖАҚ-да бастаған. Украина мен Беларусиядағы Turkcell филиалдарында жинаған тәжірибесі бар. 2009 жылы «Вижн ТВ» ЖШҚ-ға (Viasat, Украина) коммерциялық директор лауазымына шақырылды. 2010 жылдан бері Украинадағы «ОТП-Банкте» Басқарма Мүшесі. 2013 – 2016 жылдар аралығында «Домашние деньги» ЖШҚ-ның коммерциялық директоры болды.
Мақалалар:
Alibekov: неге Beeline - жаңа финтех-компания және ең жақсы жұмыс беруші
Lada: «250+» жобасы туралы, Қазақстандағы 5G келешегі және радиофобия
Уральская неделя: Таритердің қалай қлыптасатыны, Beeline-ның бәсекелестерінен айырмашылығы, меншікті жасақтамалардың маңыздылығы туралы
Forbes.kz: Коронадағдарыстағы өмір, арзандап келе жатқан гигабайттар, 5G және кайдзен туралы
WeProject: Астананаға көшу және Beeline Қазақстанды басқару ерекшеліктері туралы
