Дулат Оразалинов

Мемлекеттік құрылымдармен және реттеуші мәселелермен жұмыс директоры

 

Өмірбаяны

1964 жылы 10 қыркүйекте бұрынғы Семей облысы, Қарауыл ауылында дүниеге келген. 1986 жылы Мәскеу электротехникалық байланыс институтын бітірген. 1993 жылы Мәскеу байланыс және ақпарат техникалық университетінің күндізгі аспирантурасын бітіріп, техника ғылымдарының кандидаты және инженер-зерттеуші дипломдарын алды.

Еңбек жолын ҚазКСР РУРТ ғылыми-өндірістік зертханасында инженер-электроник болып бастаған. Мемлекеттік қызметке кіргенге дейін, 1993 жылдан 1995 жылға дейін «БМД ltd» ЖШС директоры болды. 1995 жылдан бастап ҚР Көлік және коммуникация министрлігінде жұмыс істеді. 1998-1999 жылдары «КаР-Тел» ЖШС Директор-үйлестіруші қызметін атқарды. 1999 жылдан бастап қызметін мемлекеттік қызметте жалғастырды. ҚР Табиғи монополияларды реттеу агенттігінің бөлім бастығынан ҚР Ақпараттандыру және байланыс агенттігі төрағасының орынбасарына дейінгі жолдан өтті. Премьер-Министрдің Кеңсесінде және ҚР Президентінің Әкімшілігінде жұмыс істеді.

2005 жылдың шілде айында Дулат Оразалинов Beeline Қазақстан командасына бас директордың 1-ші орынбасары лауазымында қайта қосылды. 2010 жылғы қыркүйектен бастап Компанияның стратегиялық даму мәселелері бойынша мемлекеттік органдармен жұмыс жөніндегі бас сарапшы болып жұмыс істеді. 2013 жылдың сәуір айынан бастап Beeline Қазақстан Реттеушілік және құқықтық мәселелер дирекциясын басқарды.

Мемлекеттік және салалық марапаттары бар. «Ерен еңбегі үшін» медалі және «Құрметті байланысшы» құрмет белгісі.

Белсенді тынығуды ұнатады. Үш баланың әкесі.